Cookery

நண்டு கட்லட்

By  | 

தேவையான பொருட்கள்:

நண்டு – 1/2 கிலோ

இஞ்சி, வெ.பூண்டு விழுது – 1 தேக்கரண்டி

உருளைக்கிழங்கு – 2

பெரிய வெங்காயம் – 1

மசாலாத் தூள் – 1/2 தேக்கரண்டி

மிளகாய்த் தூள் – 1/2 தேக்கரண்டி

ப்ரெட் தூள் – 1 கப்

கோதுமை மா – 1/2 கப்

உப்பு – தேவையான அளவு

கொத்தமல்லித் தழை – சிறிது

செய்முறை:

நண்டை வேகவைத்து உடைத்து சதையை மட்டும் தனியாக எடுத்து, மிக்சியில் போட்டு ஒரு சுற்று சுற்றி எடுத்துக் கொள்ளவும். உருளைக்கிழங்கை வேகவைத்து மசித்துக் கொள்ளவும்.

மசித்த உருளைக்கிழங்குடன் நண்டு சதை, உப்பு, இஞ்சி,வெ.பூண்டு விழுது, மசாலாத் தூள், மிளகாய்த் தூள் நறுக்கிய வெங்காயம் மற்றும் கொத்தமல்லித் தழை சேர்த்து பிசைந்து கொள்ளவும்.

வாணலியை சூடாக்கி அதில் இந்தக் கலவையைப் போட்டு வதக்கி, கெட்டியாக எடுத்து வைத்துக் கொள்ளவும்.

கோதுமை மாவில் சிறிது உப்பு போட்டு கரைத்து வைத்துக் கொள்ளவும்.

வதக்கிய நண்டு கலவையைச் சிறிய உருண்டைகளாக உருட்டி தட்டிக்கொள்ளவும்.

தட்டி வைத்துள்ள நண்டு கலவையை கோதுமை மாவு கரைசலில் நனைத்து, ப்ரெட் தூளில் பிரட்டி வைக்கவும்.

பின்னர் சூடான எண்ணெயில் பொரித்தெடுக்கவும்.

 

You must be logged in to post a comment Login