Beauty

முகவடிவுக்கு பொருத்தமான புருவங்கள்!

By  | 

அழகான வடிவத்தில் உள்ள புருவங்களைப் போல, எந்தவொரு அழகு சாதனமும் உங்கள் முகத்தை அழகாக்க முடியாது.

சரியான வளைவுடன் இருக்கும் புருவங்கள், அழகான, சலூனில் மேக்-அப் செய்த தோற்றத்திற்கான அடையாளம். உங்கள் முக கட்டமைப்புக்கும், முகத்தின் பிற அம்சங்களுடனும் பொருந்தும் வடிவத்தைத் தேர்ந்தெடுக்க, பின்வரும் நம்பகமான முறைகளை முயற்சித்து பாருங்கள்.

கச்சிதமான புருவங்கள் என்பது உங்கள் முகவெட்டை முற்றிலும் சார்ந்ததே. அதனால் உங்கள் முகம் எப்படிப்பட்டது என்று முதலில் கண்டறிய முயற்சி செய்யுங்கள். முகத்தின் நீளத்தையும் (அதாவது நெற்றியிலிருந்து தாடை வரை), நெற்றி (ஒரு பக்கத்திலிருந்து மற்ற பக்கம் வரை) தாடை (ஒரு காதிலிருந்து இன்னொரு காது வரை) போன்றவற்றின் நீளங்களையும் அளவிடுங்கள் மற்றும் ஒரு பக்க கன்ன எலும்பிலிருந்து அடுத்த பக்கத்திலுள்ள கன்ன எலும்பு வரையும் அளவிடுங்கள். அதன் பின்னர், உங்கள் முகத்தின் வடிவத்தை கண்டறியவும், பின்பு அதற்குப் பொருத்தமான புருவங்களின் வடிவத்தை அறிந்து கொள்ளுங்கள். இதைச் சரிவர செய்ய பின்வரும் குறிப்புகளைப் பயன்படுத்தலாம்.

ஹார்ட்டின் வடிவ முகம்

உங்கள் தாடையின் நீளம், கன்ன எலும்புகளுக்கு இடைப்பட்ட தூரத்தை விடக் குறைவாக இருந்தால், உங்களுக்கு ஹார்ட்டின் வடிவ முகம் இருக்கிறது என்று பொருள்.

 

பொருத்தமான புருவ அமைப்பு: வட்டமாக்கப்பட்டது (ரவுண்டட் வடிவம்)

இந்த வடிவம், முகத்திற்கு கொஞ்சம் அளவையும் ஆழத்தையும் அளிக்கும். குறுகிய ஹார்ட்டின் வடிவ முகங்களுக்கு, மிகவும் லேசான ஆர்ச்கள் கொஞ்சம் நீளமான தோற்றத்தைத் தரும், கூர்மையான ஆர்ச்கள் நீளமான முகத்தை இன்னமும் வேறுபடுத்திக் காட்டும். சீரான தோற்றம் பெற வட்டவடிவம் கொண்ட புருவத்தை வரையுங்கள்.

 

வட்ட முகம்

உங்கள் கன்ன எலும்புகளுக்கு இடைப்பட்ட தொலைவும், முகத்தின் நீளமும் ஏறத்தாழ சமமாக இருந்தால் உங்களுக்கு வட்ட வடிவ முகம்.

 

பொருத்தமான புருவ அமைப்பு: வளைவு (ஆர்ச்)

புருவங்கள் முடிந்த அளவுக்கு உயரே எழும்பி, சிறிய விளிம்புடன் முடிந்தால் வட்ட முகத்திற்கு ஒரு வரையறை கிடைத்து, அவை ஒல்லியாகவும், ஓவல் வடிவத்திலும் தோன்றும்.

 

நீளமான முகம்

நெற்றியின் அகலம், தாடை அல்லது கன்னத்தின் நீளம், இவற்றை விடவும் முகத்தின் நீளம் அதிகமாக இருக்கிறது என்றால் உங்கள் முகம் நீளமாக இருக்கிறது என்று பொருள்.

 

பொருத்தமான புருவ அமைப்பு: தட்டையான புருவம்

மிகக்குறைந்த அளவு ஆர்ச்சுடன், தட்டையான புருவங்கள், இந்த வகை முகங்களை கொஞ்சம் சிறியதாக காண்பிக்கும். மேலும் இது புருவத்தின் ஆர்ச்சின் மேல் எந்த கவனத்தையும் ஈர்க்காது. நீங்கள் அடர்த்தியான முழுமையாக தோன்றும் புருவங்களை முயற்சியுங்கள். -இதனால் முகத்தின் நீளம் சற்று குறைந்தது போன்ற எஃபெக்ட் கிடைக்கும்.

 

சதுர முகம்

வட்ட முகத்தைப் போலவே, கன்னங்களுக்கு இடைப்பட தூரம், முகத்தின் நீளத்திற்கு நெருக்கமாக இருக்கும். ஆனால் தாடையும் முகமும் இன்னும் சீரான வரையறையுடன் இருக்கும்.

 

பொருத்தமான புருவ அமைப்பு: ஆங்கிள்டு (கோணமாக்கப்பட்ட புருவம்)

இந்த வகை புருவங்கள், தாடையை மென்மையாக மாற்றி காண்பிக்கும். முகத்தின் அகலத்தை மறைக்கயும் குறுகலான தோற்றத்தைத் தரவும், புருவங்களின் உச்சி நேராக தாடையின் மேலாக இருக்குமாறு செய்யவும். மெல்லிய புருவங்களைக் கொண்டு முயற்சித்தால், அவை நீளமாக தோன்றும்.

 

ஓவல் வடிவ முகம்

உங்கள் முகத்தின் நீளம், உங்கள் கன்னத்தின் எலும்புகளுக்கு இடைப்பட்ட தூரம் ஒன்றரை மடங்கு (சுமார்) இருந்தால் உங்கள் முகம் ஓவல் வடிவத்தில் இருக்கிறது என்று அர்த்தம்.

 

பொருத்தமான புருவ அமைப்பு: இந்த வடிவ முகத்திற்கு அனைத்தும் பொருந்தும்

ஒவ்வொரு தருணத்திற்கும் ஏற்றவாறு புதிய தோற்றங்களையும், புருவங்களையும் ஓவல் வடிவ முகம் இருந்தால் முயற்சிக்கலாம். ஆனால் ரிஸ்க் எடுக்க விரும்பவில்லை என்றால், ஓரளவு கோணமாக்கப்பட்ட புருவத்தைப் பின்பற்றுங்கள், அதன் மையத்தில் லேசான ஆர்ச் இருந்தால் அழகாக இருக்கும்.

 

நினைவில் கொள்ள டிப்ஸ் சரியான நீளம்:

மூக்கு துவாரங்களின் இருபுறமும் இருந்து, கன்னங்களுக்கு கற்பனை கோடுகளை வரைய ஸ்கேலைப் பயன்படுத்துங்கள். ஸ்கேல் உங்கள் கண்ணின் குறுகலான முனையை அடையும் இடத்தில்தான் உங்கள் புருவங்கள் முடிவடைய வேண்டும்.

ஆர்ச் (வளைவு):

உங்கள் கண்ணின் கருவிழிகள் மற்றும் மூக்குதுவாரத்தை இணைக்குமாறு ஒரு கற்பனை கோட்டை வரையவும். இந்தக் கோடு, எந்த இடத்தில் புருவங்களைத் தொடுகிறதோ அங்கேதான் நீங்கள் புருவத்தில் ஆர்ச்சை உருவாக்க வேண்டும்.

 

மையம்:

உங்கள் புருவங்களுக்கு இடைப்பட்ட மைய இடத்தைக் கண்டறிய, உங்கள் மூக்கு துவாரங்களின் பக்கத்தில் இருந்து, புருவங்கள் தொடங்கும் இடத்திற்கு ஒரு கற்பனை கோட்டை வரையவும். இரண்டு புருவங்களிலும் இந்த தொடக்க இடத்தைக் குறித்துக் கொண்டு அதற்கு இடைப்பட்ட முடிகளை அகற்றி விடுங்கள்.

முடிகளை அகற்றும் முன்பு

லேசான ஐ பென்சில் அல்லது வெள்ளை ஐலைனரால், நீங்கள் முடியை அகற்ற வேண்டிய இடத்தை மார்க் செய்யுங்கள்.

மீண்டும் முடி வளர்வதை மெதுவாக்க, எப்போதும் முடிகளை, அவை வளரும் திசைக்கு எதிர் திசையில் பிடுங்க வேண்டும்.

திரெட்டிங் செய்த உடன், அந்த பகுதியில் இதமளிக்க லோஷன் அல்லது பன்னீரை தடவவும்.

You must be logged in to post a comment Login