Cinema

சுஜா வருணிக்கு விருந்தளித்த கமல் ஹாசன்!

By  | 

நடிகை சுஜா வருணி மற்றும் சிவக்குமார் தம்பதியினருக்கு நடிகர் கமல் ஹாசன் தலைவாழை இலைபோட்டு விருந்து கொடுத்துள்ளார்.

தமிழ் மற்றும் தெலுங்குப் படங்களில் நடித்து வருபவர் சுஜா வருணி. இவர் ப்ளஸ் டூ என்ற தமிழ் படத்தின் மூலம் தமிழ் சினிமாவில் அறிமுகமாகி, மிளகா என்ற படத்தின் மூலம் பிரபலமானார். தற்போது வாடீல் என்ற படத்தில் நடித்து முடித்திருக்கிறார்.

இதற்கு முன்னதாக பிக் பாஸ் சீசன் ஒன்று நிகழ்ச்சியில் பங்கேற்று வெளியேறினார். பிக் பாஸ் மூலம் இவர் மிகவும் பிரபலம் ஆனார். இதையடுத்து இவர் பற்றி பல கிசு கிசுக்கள் வெளியாயின. இவரும் மறைந்த நடிகர் சிவாஜி கணேசனின் மூத்த மகன் ராம் குமாரின் மகன் சிவாஜி தேவ் என்ற சிவக்குமாரும் காதலித்து வந்துள்ளனர். இதைத் தொடர்ந்து கடந்த நவம்பர் 19ம் தேதி இருவரும் திருமணம் செய்து கொண்டனர்.

இவர்களது திருமணத்தை நடிகர் கமல் ஹாசன் சுஜாவின் அப்பா ஸ்தானத்தில் இருந்து நடத்தி வைத்துள்ளார். இதையடுத்து மருமகன் மற்றும் மகளை தனது வீட்டிற்கு அழைத்து தலைவாழை இலையில் பிரியாணி விருந்து கொடுத்துள்ளார்.

இது குறித்து சுஜா வருணி தனது டுவிட்டர் பக்கத்தில் கூறியிருப்பதாவது: என்னையும், அத்தானையும் கமல் அப்பா மதிய உணவுக்கு அழைத்து விருந்தளித்தார் என்று மகிழ்ச்சியுடன் கூறியுள்ளார் என்பது குறிப்பிடத்தக்கது. இந்த விருந்தில் நடிகை ஸ்ரீ பிரியாவும் கலந்து கொண்டுள்ளார் என்பது குறிப்பிடத்தக்கது.

Leave a Reply

Your email address will not be published. Required fields are marked *