Antharangam

தம்பதியர் தனித்தனியாக உறங்கினால் ஆரோக்கியம் மேம்படும்

By  | 

படுக்கையறையில் கணவன் மனைவி ஒரே படுக்கையில் படுத்து உறங்குவதைக் காட்டிலும் தனித்தனி படுக்கையில் படுத்துத் தூங்கினால் காலையில் புத்துணர்ச்சியுடன் எழுலாம் என்கிறது ஓர் ஆய்வு.

ஓஹியோ பல்கலைகழகத்தில் நடத்தப்பட்ட ஆய்வில் திருமணமான மற்றும் லிவின் ரிலேஷன்ஷிப்பில் உள்ள ஜோடிகளை இவ்வாறு ஒரே அறையில் தனித்தனியாக படுக்க வைத்து பல நாட்கள் அவர்களது குணாதிசயம் கவனிக்கப்பட்டது. தனித்தனியாகத் தூக்கும் ஜோடிகள் மிகவும் உற்சாகமாக இருப்பதும் வேலையில் அதிக ஈடுபாட்டுடன் இருப்பது தெரியவந்தது. இதேபோல ஒன்றாக ஒரே படுக்கையில் தூங்கும் ஜோடிகள் காலையில் சோர்வுடன் எழுந்து வாக்குவாதங்களில் ஈடுபடுவது தெரிந்தது. இதற்கு முக்கிய காரணம்  ஆண், பெண் ஆகிய இருவருமே குறட்டை விடுகின்றனர் என அறியப்பட்டது. ஒருவரது குறட்டை சப்தம் மற்றவருக்கு தொந்தரவாக உள்ளது.

மேலும் இவர்களில் ஒருவர் படுக்கையின் பெரும்பாலான இடத்தை அடைத்துக்கொள்வது மற்றவருக்கு எரிச்சலை ஏற்படுத்துகிறது. இதனால் தூக்கமில்லாமல் காலையில் இருவருமே சோர்வாக எழுவதால், காலை காப்பி போடுவதிலிருந்து அன்றாட செயல்பாடுகளில் சிறு தவறு ஏற்பட்டாலும் இருவருக்குள்ளும் சண்டை துவங்கிவிடுகிறது. இதனால் மன அழுத்தம் எற்படுவதால் நரம்பு வீக்கம் உண்டாவதாக ஆய்வாளர்கள் கூறுகின்றனர். நாளடைவில் மறதி, ரத்த அழுத்தம், சர்க்கரை நோய், அல்சைமர் உண்டாக இந்த வீக்கம் வழிவகுக்குறது.

தனி படுக்கைகளில் தனித்தனியாகத் தூங்குவதில் உள்ள நன்மை யாதெனில், இருவருக்கும் தாங்கள் விரும்பிய செயல்களைச் செய்ய சுதந்திரம் கிடைக்கிறது. இதனால் அவர்கள் தூங்கச் செல்லும் முன்னர் இரவு விளக்கில் சிறிதுநேரம் புத்தகம் படிக்கலாம், நண்பர்களுடன் பேசலாம். இந்த சுதந்திரத்தால் அவர்கள் நன்றாகத் தூங்கி அடுத்த நாள் புத்துணர்ச்சிடன் எழுந்து உற்சாகமாக வேலைக்கு செல்லுவர்.

இவ்வாறு செய்வதற்கு எதற்கு திருமணம். இதற்கு சிங்கிளாகவே இருந்துவிடலாம். தம்பதிகளை பிரித்து வைப்பது சரியா என அடுக்கடுக்கான கேள்விகள் எழுவது புரிகிறது. ஆனால் இச்செயல் ஜோடிகளின் புரிந்துணர்வு மற்றும் நெருக்கத்தை பாதிக்கும் என்பதை மறுக்கின்றனர் மருத்துவ விஞ்ஞானிகள். இதனால் அவர்களுக்குள் நெருக்கும், காதல் அதிகரிக்கும் என்கின்றனர்.

Leave a Reply

Your email address will not be published. Required fields are marked *