Health

ஏலக்காயின் மருத்துவ மகிமை

By  | 

பல நூற்றாண்டுகளுக்கு முன்பே கண்டுபிடிக்கப்பட்டு பயன்படுத்தப்பட்ட மசாலா பொருட்களில் ஒன்று ஏலக்காய். அதில் எண்ணற்ற மருத்துவ குணங்கள் அடங்கியிருக்கின்றன.

வாசனைக்காக மட்டுமல்லாமல் உடல் நலத்திற்கும் அதனை நாம் பயன்படுத்தலாம். இதில் புரதம்,மாவுச்சத்து, நார்ச்சத்து,கால்சியம்,உட்பட பல்வேறு முக்கியமான சத்துக்கள் அடங்கியிருக்கின்றன. சித்தமருத்துவத்தில் ஏலக்காய் மிகப்பெரிய பங்காற்றுகிறது.

எண்ணற்ற மருத்துவ குணங்களைக் கொண்ட நீரைக் குடிப்பதினால் என்னென்ன நன்மைகள் ஏற்படும் என்று தெரிந்து கொள்ளலாம்.

தயாரிக்கும் முறை
ஏலத்தினைக் கொண்டு நீர் தயாரிக்க முதலில் சிறிதளவு ஐந்து முதல் பத்து வரை நீங்கள் எடுத்துக் கொள்ளும் தண்ணீருக்கு ஏற்ப ஏலக்கய எடுத்துக் கொள்ளுங்கள். அதனை பொடித்து, அந்த தண்ணீரில் போட்டு கொதிக்க வைக்க வேண்டும்.

தண்ணீரை நீண்ட நேரம் கொதிக்க வைக்க வேண்டாம். கொதிக்க ஆரம்பித்த சில நொடிகளில் ஆஃப் செய்துவிடுங்கள். இல்லையெனில் ஏலக்காயில் உள்ள துவர்ப்பு சுவை அதிகமாக நீரில் இறங்கிவிடும்.

பின்னர் அதனை நன்றாக ஆற வைத்து அதனுடன் பாதியளவு தண்ணீரைக் கலந்து குடிக்கலாம். வேண்டுமானால் சுவைக்கு எலுமிச்சை சாறு அல்லது தேன் கலந்து கொள்ளலாம்.

மருத்துவப் பயன்கள்

விக்கல் போக்கும்

இது நடுக்கத்தைப் போக்கக்கூடியது; விக்கலில் இருந்து நம்மைக் காப்பாற்ற உதவும். உடலில் ஏற்படும் தசைப்பிடிப்பு, குடல் மற்றும் வயிற்றுப் பிடிப்புகளிலிருந்து நிவாரணம் பெற்றுத் தரும்.

நச்சுத்தன்மை நீக்கும்

இதில் இருக்கும் மினரல்கள், வைட்டமின் ஏ, பி, சி, நியாசின், ரிபோப்ஃளேவின் ஆகியவை உடலின் நச்சுத்தன்மையை நீக்கக் கூடியவை. இது ரத்தத்தைச் சுத்தப்படுத்தும். கல்லீரலில் இருக்கும் தேவையற்ற யூரியா, கால்சியம் மற்றும் இதர நச்சுகளை நீக்கும். மகப்பேற்ருக்குப் பிறகு இதைப் பெண்கள் அதிகம் பயன்படுத்தலாம்.

ஆன்டிஒக்ஸிடன்ட்

இதில் இருக்கும் ஊட்டச் சத்துகள், வைட்டமின்கள் மற்றும் அத்தியாவசிய எண்ணெய் ஆகியவை ஆன்டிஆக்ஸிடன்ட்களாகப் பயன்படுகின்றன. இவை உடலில் இருக்கும் செல்கள் முதிர்ச்சி அடைவதைத் தடுத்து இளமையைத் தக்கவைத்துக்கொள்ள உதவுகிறது.

மனஅழுத்தம் குறைக்கும்!

மனஅழுத்தத்தைக் குறைக்கும் இதன் குணம் குறித்து இன்னும் ஆராய்ச்சிகள் நடந்துவந்தாலும், ஆயூர்வேத மருத்துவம், `ஏலக்காய் தேநீர் மன அழுத்தத்துக்கு நல்லது’ எனப் பரிந்துரைக்கிறது. இது, இயற்கையாக நச்சுத்தன்மையை நீக்கி, செல்களை மீண்டும் பொலிவுபெறச் செய்வதாலும் மனஅழுத்தம் குறையும்.

சளி மற்றும் காய்ச்சலுக்கு நிவாரணம்

இதில் காரத்தன்மை இருப்பதால், சளி மற்றும் காய்ச்சலைத் தடுத்துவிடக்கூடியது. ஒரு ஏலக்காய் டீ குடித்தால் சளி, காய்ச்சல் பறந்துவிடும்.

கிருமிகளில் இருந்து காக்கும்!

கிறுமித்தொற்று இருப்பவர்கள் இதை எடுத்துக்கொள்ளலாம். இதில் இருக்கும் எண்ணெய் பாக்டீரியா, வைரஸ், பூஞ்சை போன்றவற்றின் வளர்ச்சியைத் தடுக்கும்.

வாய் துர்நாற்றம் போக்கும்!

வாய் துர்நாற்றத்தையும் சரிசெய்யக்கூடியது இது. வாய்ப்புண்ணையும் சரிசெய்யும். இரண்டு ஏலக்காய் விதைகளை வாயில் போட்டு மென்றாலே துர்நாற்றம் நீங்கிவிடும்.

ஆஸ்துமாவுக்கு நல்லது!

ஆஸ்துமா இருக்கும் நோயாளிகளுக்கு இது மிகுந்த பயனைத் தரும். கக்குவான் இருமலுக்கும் மார்புச் சளிக்கும் நல்ல மருந்து.

பசியைத் தூண்டும்

சிறிது ஏலக்காய்த் தூளை உணவில் சேர்த்தாலோ, விதைகளை மென்றுவந்தாலோ அது நன்கு பசியைத் தூண்டும்.

செரிமானத்தை எளிதாக்கும்

அஜீரணக் கோளாறு, வயிற்றுப் பொருமல் ஆகியவற்றுக்கு இது சிறந்த தீர்வைத் தரும். உணவை எளிதில் செரிக்க உதவும்.

உயர் ரத்த அழுத்தத்துக்கு மருந்து!

உயர் ரத்த அழுத்தம் இருக்கும் நோயாளிகள் தினமும் இதைச் சிறிது சாப்பிட்டு வந்தால், நுரையீரலுக்குச் செல்லும் ரத்தம் சீராகும். இதனால் ரத்த அழுத்தம் விரைவில் குறையும்.

சருமம் காக்கும்!

உணவுப் பொருள்கள் மற்றும் பானங்கள் தவிர்த்து இதை அழகு கூட்டவும் பயன்படுத்தலாம். இதன் விதைகளிலிருந்து எடுக்கப்படும் எண்ணெய் சருமத்துக்கு நிறைய நன்மைகளைச் செய்யக்கூடியது.
இது, நிறத்தையும் சருமத்தையும் பொலியச் செய்யும். ஏலக்காய் எண்ணெய் முகத்திலுள்ள கறைகளைப் போக்கி, பளிச்சிடும் சருமத்தைக் கொடுக்கும்.

இரத்த ஓட்டத்தை அதிகரிக்கும் !

இதில் இருக்கும் வைட்டமின் சி ஆன்டிஆக்ஸிடன்டாகச் செயல்படக்கூடியது. இது உடல் முழுவதும் இரத்த ஓட்டத்தை அதிகரிக்கும்.

அலர்ஜிக்குத் தீர்வு

இதில் இருக்கும் ஆன்டிபாக்டீரியல் குணம், சருமத்தில் ஏற்படும் அலர்ஜிக்கு எதிராகச் செயல்படும்.

நறுமணத்தில் பங்களிப்பு

ஏலக்காயை நிறைய அழகுசாதனப் பொருள்களில் உபயோகிக்கின்றனர். இதன் நறுமணத்துக்காகவும், இனிப்பு மணத்துக்காகவும் இதையும் இதன் எண்ணெயையும் வாசனைப் பொருள்கள், சோப்பு, பௌடர் போன்றவை செய்யப் பயன்படுத்தப்படுகின்றன. இது ஆன்டிசெப்டிக்காகவும் வீக்கத்தைக் குறைக்கவும் பயன்படுகிறது. இது பெர்ஃப்யூம்களில் கலக்கப்படுவது சரும நலனுக்கு நல்லது. ஏலக்காய் சேர்த்த அழகுசாதனப் பொருள்களை `அரோமா தெரப்பி பொருள்கள்’ எனலாம்.

இதழுக்குப் பாதுகாப்பு

இதன் எண்ணெய் இதழில் பயன்படுத்தும் லிப் பாம் தயாரிக்கப் பயன்படுகிறது. இது உதடுகளைப் பாதுகாக்கும்.

கேசம் காக்கும்!

நீண்ட, வலுவான கூந்தல்தான் பெண்கள் அனைவரும் விரும்புவது. ஏலக்காய், முடி வளர்ச்சிக்கும், அதன் ஆரோக்கியத்துக்கும் உதவும். இதில் இருக்கும் ஆன்டியாக்சிடேட்டிவ் குணம் முடியின் உச்சி முதல் வேர் வரை ஊட்டமளிக்கும். இதில் இருக்கும் ஆன்டிபாக்டீரியல் குணம் தலையை தொற்றுநோய்களில் இருந்தும் எரிச்சலில் இருந்தும் காக்கும். முடியின் வேர்களை வலுப்படுத்தும். கூந்தலுக்கு வலு, பளபளப்பைக் கொடுக்கும்.

Leave a Reply

Your email address will not be published. Required fields are marked *