Cinema

காதலனின் புகைப்படத்தை வெளியிட்ட மைனா நந்தினி

By  | 

சீரியல் நடிகர் ஒருவரை காதலித்து வரும் நிலையில், அவரை திருமணம் செய்து கொள்ள இருப்பதாக மைனா நந்தினி ஒரு பேட்டியில் கூறியுள்ளதாக தகவல் வெளியாகி வருகிறது.

தமிழ் சினிமா மற்றும் தொலைக்காட்சி தொடர்களின் மூலம் ரசிகர்களின் இதயங்களை கொள்ளையடித்தவர் நடிகை மைனா நந்தினி.

வம்சம் என்ற படத்தின் மூலம் தமிழ் சினிமாவில் அறிமுகமானார். ஆனால், இவருக்கு பேரும், புகழும் கொடுத்தது சரவணன் மீனாட்சி தொடர் தான். இதையடுத்து பிரியமானவள், கல்யாணம் முதல் காதல் வரை, சின்னத்தம்பி, அரண்மனைக்கிளி, டார்லிங் டார்லிங் ஆகிய தொடர்களில் தனது நடிப்புத் திறமையை வெளிப்படுத்தி உள்ளார். கேடி பில்லா கில்லாடி ரங்கா, ராஜா ராணி ஆகிய படங்களிலும் நடித்துள்ளார்.

இதற்கிடையில், கார்த்திகேயன் என்பவரை திருமணம் செய்து கொண்டார். ஆனால், பிரச்சனை காரணமாக, கார்த்திகேயன் தற்கொலை செய்து கொண்டார். இதனால், ஆழ்ந்த துயரத்தில் இருந்த மைனா நந்தினி, தனது முழு கவனத்தையும் நடிப்பில் திரும்பினார். தற்போது, பிஸியாக நடித்து வருகிறார்.

இந்த நிலையில், இவர் அளித்த பேட்டி ஒன்றில், சீரியல் நடிகர் ஒருவரை காதலித்து வருவதாகவும், விரைவில் இருவருக்கும் திருமணம் நடக்க இருப்பதாகவும் குறிப்பிட்டுள்ளார் என்று செய்தி வெளியாகி வருகிறது. தொடர்ந்து, அந்த சீரியல் நடிகரின் புகைப்படத்தை தனது இன்ஸ்டாகிராம் பக்கத்தில் பதிவிட்டு, அவருக்கு பிறந்தநாள் வாழ்த்து தெரிவித்துள்ளார். ஆனால், அவரது பெயரை குறிப்பிடவில்லை என்பது குறிப்பிடத்தக்கது.

Leave a Reply

Your email address will not be published. Required fields are marked *