Health

உடற் சுகாதாரம் பேணுவோம் !

By  | 

காதுக்குள் அடிக்கடி பட்ஸ் கொண்டு சுத்தம் செய்யக் கூடாது. அவ்வாறு செய்யும்போது, பட்ஸ்ஸில் இருக்கும் பஞ்சு காதுக்குள் தங்கி விடும். தொற்றை ஏற்படுத்தும். காதுக்குள் பட்ஸ், விரல்கள் அல்லது வேறு பொருட்கள் பயன்படுத்தக் கூடாது. இயற்கையாகவே காதுக்குள் இருக்கும் அழுக்கு வெளியே வரும். அதுவரை பொருத்து இருக்கவும். இயற்கை தன்னைத் தானே சரி செய்து கொள்ளும் அமைப்பு கொண்டது.

ஒரு நாளைக்கு இரண்டு முறை தண்ணீர் கொண்டு முகத்தை கழுவலாம். அதிகமாக தினமும் கிரீம்கள் கொண்டு கழுவும்போது, முகத்தில் இருக்கும் இயற்கை எண்ணெய்ப் பசை நீங்கி முகம் வறண்டு காணப்படும். வாரத்திற்கு இரண்டு முறை மட்டும் கிரீம்கள் கொண்டு கழுவலாம்.

இயற்கையாகவே உங்களது உடல் பெருங்குடல், கிட்னி, கல்லீரல் ஆகியவற்றை சுத்தம் செய்து கொள்ளும். அடிக்கடி குடலை சுத்தம் செய்கிறேன் என்று மருந்துகளை எடுத்து கொள்ளும்போது, குடலில் இருக்கும் நல்ல பாக்டீரியாக்கள் அழியும். இதற்கு பதிலாக நார்ச்சத்து இருக்கும் உணவுகளை அதிகமாக உட்கொண்டால், குடல் சுத்தம் செய்யப்பட்டு நல்ல பாக்டீரியாக்கள் வளர உதவும்.

தலைமுடியை அடிக்கடி ஷாம்பூ கொண்டு கழுவும்போது, முடியின் ஷைனிங் குறைந்து வறண்டு காணப்படும். தலைமுடி நுனியில் எண்ணெய் பசை இருந்தால்தான், முடி வளர்ச்சிக்கு உதவும்.

மூக்கிற்குள் விரலை விட்டு சுத்தம் செய்வது, துணியை வைத்து சுத்தம் செய்வது போன்றவற்றை செய்யக் கூடாது. அவ்வாறு செய்யும்போது, மூக்கிற்குள் வெடிப்பு ஏற்பட்டு புண் ஏற்படுவதுடன், சில நேரங்களில் ரத்தம் வெளியேறும். மென்மையான திசுக்களால் உருவானது மூக்கின் உள்பகுதி. சளி பிடித்து இருந்தாலும், மெல்ல துடைத்துதான் எடுக்க வேண்டும். சளி அடைந்து இருந்தால், காதுக்கு அழுத்தம் கொடுக்காத வகையில், ஒரு நாசிக்கு மட்டும் அழுத்தம் கொடுத்து சளியை வெளியேற்ற வேண்டும்.

பெண் உறுப்பில் துர்நாற்றம் வருவது சகஜம்தான். அதற்காக நீங்கள் சுத்தமாக இல்லை என்று அர்த்தமல்ல. பாக்டீரியா தொற்று இருந்தால் மட்டுமே மீனில் இருந்து வரும் வாசனை போன்று இருக்கும். இதற்காக சோப்பு போட்டு சுத்தம் செய்யக் கூடாது. சாதாரண தண்ணீர் கொண்டே சுத்தம் செய்யலாம். சுடுநீரும் பயன்படுத்தி சுத்தம் செய்யலாம். அடிக்கடி சுத்தம் செய்யும்போது ph level குறைந்துவிடும். தொற்று இருக்கும்போது மருத்துவரை அணுக வேண்டும்.

Leave a Reply

Your email address will not be published. Required fields are marked *