Cinema

ஸ்ரீதேவியின் மகளுக்கு கிடைத்த முதல் விருது!

By  | 

நடிகை ஸ்ரீதேவியின் மகள் ஜான்வி, சினிமாவில் நடிக்க வந்து தற்போது முதல் விருதைப் பெற்றுள்ளார்.

மறைந்த நடிகை ஸ்ரீதேவி, கோலிவுட், பாலிவுட் சினிமாவின் பிரபல நடிகையாக இருந்தார். மேலும் அவர் கன்னடம், தெலுங்கு, மலையாளம் ஆகிய மொழி படங்களிலும் நடித்துள்ளார். இவரின் கணவர் பாலிவுட் சினிமாவின் பிரபல தயாரிப்பாளர் போனி கபூர். இவர்களுக்கு ஜான்வி மற்றும் குஷி என்ற இரு மகள்கள் உள்ளனர்.

இதில் ஜான்வி கபூர் ‘தடக்’ படம் மூலம் பாலிவுட்டில் ஹீரோயினியாக அறிமுகமாகியுள்ளார். இந்தப் படத்தை கரண் ஜோஹர் தயாரித்துள்ளார். இந்தப் படத்தில் ஜான்விக்கு ஜோடியாக இஷான் கட்டர் நடித்துள்ளார். இப்படம் தற்போது உலகளவில் ரூ 100 கோடியை வசூலித்துள்ளதாக அதிகாரப்பூர்வ தகவல்கள் வெளியாகியுள்ளது.

இந்நிலையில் அண்மையில் ‘வோக் பியூட்டி அவார்ட்ஸ் 2018’ விருது வழங்கும் விழா நடைபெற்றது. இந்த விழாவில் நடிகை ஜான்விக்கு ‘ப்ரஷ் பேஃஸ் ஆஃப் தி இயர்’ விருது கிடைத்துள்ளது. இந்த சந்தோஷத்தை பகிர்ந்து கொள்ள அம்மா ஸ்ரீதேவி இல்லாதது ஜான்விக்கு மிகுந்த வருத்தத்தை தந்துள்ளது.

 

Leave a Reply

Your email address will not be published. Required fields are marked *