Children

இரட்டை குழந்தைகளை சாப்பிட வைப்பது எப்படி?

By  | 

சாப்பிடாமல் அடம் பிடிப்பது குழந்தைகளின் சுபாவம். அதை மாற்ற முடியாமல் திண்டாடுவது அம்மாக்களின் சுபாவம் என்றாகிவிட்டது. அடம் பிடிக்கும் குழந்தைகளை ஊட்டச்சத்து மிக்க உணவு வகைகளை சாப்பிட வைப்பது சுலபமானதல்ல. அதிலும், இரட்டை குழந்தைகளை உணவு உண்ண வைப்பது கடினமான காரியமாகும்.

தினசரி சாப்பாடுகளில் உங்கள் குழந்தைகளுக்கு பல்வேறு வகையான உணவு விருப்பங்களை கொடுங்கள். அவர்களுக்கு நிறைய வகையான உணவுகளை கொடுப்பது ஆர்வமாய் உண்ண செய்யுங்கள்.

விளையாடிக்கொண்டே உணவு உண்பது என்பது அவர்களை குதூகலப்படுத்தும். இரட்டை குழந்தைகளாய் இருக்கும்போது அவர்களில் யார் முதலில் உணவு உண்கிறார்கள் என்று விளையாட்டை போட்டி வைப்பது சிறந்த வழியாகும். இருப்பினும், வெற்றி பெற்றால் பரிசு கொடுத்து பழக்கவேண்டாம் இது அவர்களுக்குள் பிரச்சனையை ஏற்படுத்தும்.

உங்களின் செல்ல குழந்தைக்கு சரியான நேரத்தில் சாப்பிடுவதை பழக்குங்கள் இது அவர்களுக்கு எதிர்காலத்திலும் பயனளிக்கும். சரியான நேரத்திற்கு சாப்பிடுபவர்களாயின் அவர்கள் உணவில் அக்கறை உள்ளவர்களாக இருப்பார்கள். எனவே சரியான நேரத்தில் உணவு கொடுப்பதோடு உணவுக்கு முன் குளிர்பானங்களையோ, சிற்றுண்டிகளையோ கொடுக்காதீர்கள்.

குடும்பமாய் அனைவரும் அமர்ந்து உண்பதை பழக்கமாக வைத்திருங்கள். இருவருமே வேலைக்கு செல்பவர்களாய் இருந்தாலும் முடிந்தவரை இதை பின்பற்ற முயற்சியுங்கள். எல்லோருடனும் சேர்ந்து சாப்பிடும்போது அவர்கள் உங்களை பார்த்து வழக்கத்தை விட அதிகமாக சாப்பிடுவார்கள். அவர்களுக்கு கொடுக்கும் அதே உணவை நீங்களும் முடிந்தவரை உண்ணுங்கள். இது அவர்களுக்கு ஒரு எடுத்துக்காட்டாய் அமையும்.

குழந்தைகளை சமையல் வேலைகளில் உட்படுத்துங்கள். கடைகளுக்கு செல்லும்போது அவர்களை உடன் அழைத்துச்செல்லுங்கள். நீங்கள் வாங்கும் காய்கறிகளை காட்டுவதோடு, உணவு சமைப்பது எவ்வளவு ஆர்வமான வேலை என்பதை அவர்களுக்கு புரியவையுங்கள். இது அவர்கள் உணவை நன்கு உண்ண உதவுவதோடு உணவை வெறுப்பதையும் குறைக்கும்.

Leave a Reply

Your email address will not be published. Required fields are marked *