Antharangam

அந்தரங்க கேள்வி பதில் தொகுப்பு:உங்கள் காதல் உண்மையானதா?

By  | 

கேள்வி
நான் ஒரு ஆண். எனக்கு வயது 24. நான் வேற்று இனப் பெண்ணைக் காத­லிக்­கிறேன். எனது வீட்டில் பல கார­ணங்­களை முன்வைத்து எமது திரு­ம­ணத்­துக்கு விருப்பம் தெரி­விக்க மறுக்­கி­றார்கள். அவர்கள் கூறும் கார­ணங்கள் உண்­மை­யா­ன­வையா என்று தெரிந்­து­கொள்ள விரும்­பு­கிறேன்.

பதில்
இல்லை!
உங்கள் வீட்டார் குறிப்­பிட்­டி­ருக்கும் கார­ணங்­களை இங்கே பட்­டி­ய­லிட்டால் தேவை­யற்ற சர்ச்­சைகள் ஏற்­படும். கேள்வி உங்­க­ளது ஆகையால், பதில் உங்­க­ளுக்கு மட்டும் புரிந்­தால்­கூடப் போது­மா­னது.
எல்லா இனத்­திலும் எல்லா சம­யங்­க­ளிலும் எல்லா மொழி­க­ளிலும் உங்கள் பெற்றோர் கூறு­வதைப் போன்ற பண்­பற்ற பழக்­க­வ­ழக்­கங்கள் கொண்­ட­வர்கள் -ஆண்­களோ, பெண்­களோ – இருக்­கத்தான் செய்­கி­றார்கள். அந்த இனத்­தவர் அப்­ப­டித்தான் என்று பொது­வாக முத்­திரை குத்­தி­விட முடி­யாது, குத்­தி­விடக் கூடாது.

அன்பும் பாசமும் அன்­னி­யோன்­யமும் இனத்தால் அன்றி மனத்தால் வரு­வது. உங்கள் மனை­விக்கு நீங்கள் எவ்­வ­ளவு நேர்­மை­யா­கவும் விசு­வா­ச­மா­கவும் மிக முக்­கி­ய­மாக, அன்­பா­கவும் இருக்­கி­றீர்­களோ, அதே­ய­ளவு அன்பும் விசு­வா­சமும் நேர்­மையும் உங்கள் மனை­வி­யிடம் இருந்து உங்­க­ளுக்குக் கிடைக்கும். அவர் எந்த இனத்தவராக இருந்தாலும்!

பற்பல ஆண்டுகளுக்கு முன், உங்கள் பெற்றோர் கூறியதன்படி நடந்ததுண்டு. எனினும், கால மாற்றத்தில் பிரிவுகள் மறைந்து, உலகமயமாக்கலின் விளைவாக ‘அனைவரும் ஒன்றே’ என்ற நிலை ஏற்பட்டிருப்பதால், பொதுவாக ஒரு சமூகத்தினரை நல்லவர்கள் என்றோ, தவறானவர்கள் என்றோ அடையாளப்படுத்திவிட முடியாது.
ஆனால், உங்களது கேள்வி வருத்தத்தையே ஏற்படுத்துகிறது. உங்கள் காதல் உண்மையாக இருந்திருந்தால் இதுபோன்ற கேள்வி உங்களுக்குள் எழுந்திருக்காது.

எனவே, உங்களைத் திருமணம் செய்துகொண்டால் தனது வாழ்க்கை இனிக்குமா என்று உங்களது காதலிதான் எண்ணிப் பார்க்க வேண்டும்.

Leave a Reply

Your email address will not be published. Required fields are marked *