Cookery

அப்பள் ஜேம் தயாரிப்பது எப்படி?

By  | 

இன்றைய அவசர உலகில் நிறைய சிற்றுண்டிகளுக்கு (டிஷ்க்கு) ஜேம் தொட்டு சாப்பிடுவதைத் தான் எல்லாரும் விரும்புகிறோம். அதுவும் ஜேம் என்றால் போதும் சாப்பிட அடம்பிடிக்கும் குழந்தைகளும் வாயை மூடிக்கொண்டு சாப்பிட ஆரம்பித்துவிடுவார்கள். குழந்தைகளுக்கு எப்போதும் ரொம்பவும் பிடித்தமான ஒன்று . கடைகளில் விற்கப்படும் ஜேமில் ஏராளமான செயற்கை சுவையூட்டிகள், செயற்கை நிறமூட்டுகள் போன்ற உடலுக்கு கெடுதலான விஷயங்களை சேர்க்கின்றனர். எனவே இதற்கு பதிலாக வீட்டிலேயே எளிதான முறையில் அப்பள் ஜேம் தயாரித்து கொடுக்கலாம். ஒரு காற்று புகாத டப்பாக்களில் அடைத்து வைத்து கொண்டால் இரண்டு மாதங்கள் வரை கெடாமல் இருக்கும். மேலும் உங்கள் காலை உணவான பிரட், சப்பாத்தி போன்றவற்றிற்கு சிறந்த சைடிஸாகவும் பயன்படுத்தி கொள்ளலாம். அப்பள் ஜேம் என்பதால் இதில் உள்ள நார்ச்சத்துகள், ஆன்டி ஆக்ஸிடன்ட்கள் மற்றும் ப்ளோனாய்டுகள் உங்கள் உடல் ஆரோக்கியத்திற்கும் நல்ல கொலஸ்ட்ரோல் அளவை பராமரிக்கவும் உதவியாக இருக்கும். எனவே தான் இது குழந்தைகளுக்கு மிகவும் சிறந்த ரெசிபி ஆகும்.

தேனையான பொருட்கள்

அப்பள் – 2

சர்க்கரை – 1கப்

லெமன் – 1/2 பழம்

தண்ணீர் – 1/2 கப்

செய்முறை

அப்பளை நன்றாக கழுவி அதன் தோலை நீக்கி சிறிய துண்டுகளாக நறுக்கி கொள்ளவும்.

அடுப்பில் கடாயை வைத்து 2 நிமிடங்கள் வரை சூடுபடுத்தவும்.

நறுக்கிய அப்பள் துண்டுகளை அதில் சேர்த்து தண்ணீர் சேர்க்கவும். 10 நிமிடங்கள் வரை வேக வைத்து நன்றாக மசித்து விடுங்கள்.

பிறகு சர்க்கரையை சேர்த்து நன்றாக கிளறவும்.

பிறகு நன்றாக வேக வைத்து கொஞ்சம் ஜேமை எடுத்து ஒரு தட்டில் வைத்து வழுக்கும் தன்மையுடன் இருக்கிறதா என்று பதம் பார்க்கவும்.

ஜேம் அப்படி இல்லையென்றால் லெமன் ஜூஸ் சேர்த்து நன்றாக கிளறி அடுப்பை அணைத்து விடவும். நன்றாக கிளறி ஆற விடவும்.

ஒரு டப்பாக்களில் அடைத்து தேவைப்படும் போது எடுத்து உபயோகித்து கொள்ளலாம்.

You must be logged in to post a comment Login