Beauty

கால்முடியை நீக்கும் முன்…

By  | 

கால்களுக்கும் சில பராமரிப்புகளை செய்தால் மட்டுமே, அவை பிசுக்கு மற்றும் தழும்பு இல்லாமல் பளிச்சென்று ஜொலிக்கும்.

சரி, கால்கள் வாழைத்தண்டு போல ஜொலிப்பதற்கு என்னென்ன செய்ய வேண்டும் என்று அறிந்துகொள்ளலாம்.

கால்களில் இருக்கும் முடிகளை, உங்கள் சருமத்துக்கு ஏற்ற க்ரீமை பயன்படுத்தி ரிமூவ் செய்யலாம்.

ஒரு சிலருக்கு கெமிக்கல் சேர்க்கப்பட்ட க்ரீம்களை பயன்படுத்தி முடிகளை எடுக்கும்போது, கால்களின் சருமம் கறுப்பாகிவிடும். அப்படிப்பட்டவர்கள் ரேஸர் பயன்படுத்தியோ அல்லது வெக்ஸ் செய்தோ முடிகளை நீக்கலாம்.

சில பெண்களுக்கு வெக்ஸ் செய்தால், கால்களில் சின்ன சின்னதாக வீக்கங்கள் வரும். இதை, நாங்கள் ‘ஸ்ட்ரோபெர்ரி லெக்ஸ்’ என்போம். இந்த வீக்கங்களில் நமைச்சல் அதிகமாக இருக்கும். அவற்றில் முடி வளரும்போது நமைச்சல் இன்னும் அதிகரிக்கும்.

இதுபோல ஆகிடும் பெண்கள் ‘விமன் ரேஸர்’ பயன்படுத்தி முடிகளை நீக்கலாம். இந்த ரேஸர் கொஞ்சம் அழுத்தினாலும் சருமத்தை கட் செய்யாது.

இந்த ரேஸரில் முடிகளை நீக்கும்போது கால்களில் இருக்கிற மொய்ஸ்சரைசர் குறையாது என்பது கூடுதல் ப்ளஸ். ஆனால், இதை வாரத்துக்கு ஒரு முறை செய்ய வேண்டி வரும்.

நோர்மல் ரேஸர் பயன்படுத்தி, கால்களில் இருக்கும் முடிகளை ரிமூவ் செய்வதற்கு முன், ஏதாவது ஒரு ஒயிலையோ அல்லது குளியல் சோப் நுரையையோ தடவிவிட்டுச் செய்தால், கால்களின் சருமம் இன்னும் பாதுகாப்பாக இருக்கும்.

மசாஜ் செய்தும் முடிகளை நீக்கலாம். பாதாம் மற்றும் ஒலிவ் ஒயிலை கலந்து கால்களின் மீது அப்ளை செய்து, மேலும் கீழுமாக மசாஜ் செய்ய வேண்டும்.

இந்த ஒயில் ஒரு மணிநேரம் அப்படியே கால் சருமத்தில் ஊற வேண்டும். பிறகு, கடலை மா 5 டீஸ்பூன், சீனி 2 டீஸ்பூன் கலந்து, அதை ஈரக் கைகளால் தொட்டு தொட்டு காலில் பரபரவென தேய்த்து கழுவினால், கால்களில் இருக்கிற முடிகள் உதிர்வதுடன் அழுக்கு, தழும்புகள் எல்லாம் படிப்படியாக போய், கால்கள் பளிங்கில் செய்தது போல பளிச்சென்று ஆகிவிடும்.

இந்த மசாஜ் அண்ட் ஸ்கிப்பை வாரம் இரண்டு முறை செய்யவேண்டும்.

பல பெண்கள் ஸ்கர்ட் போட்டுக்கொண்டு நிகழ்ச்சிகளுக்குச் செல்வதற்கு நினைப்பார்கள். ஆனால், கால்கள் வறண்டு பொலிவிழந்து இருக்கிறது என அந்த எண்ணத்தை கைவிட்டுவிடுவார்கள். அவர்கள் சீனியையும் உப்பையும் சமமாக எடுத்து, ஒரு டீஸ்பூன் ஒலிவ் ஒயில் கலந்து, கால்கள் மற்றும் பாதங்களில் மசாஜ் செய்தால், அந்தப் பகுதிகளுக்கு நல்ல இரத்த ஓட்டம் பாய்ந்து, கால்கள் உயிர்ப்புடன் மின்னும். தயக்கமின்றி நடை போடலாம்.

You must be logged in to post a comment Login