Children

குழந்தைகளுக்கு ஏன் தடுப்பூசி போட வேண்டும்?

By  | 

குழந்தைகளின் உடல் ஆரோக்கியம் தான் அவர்களின் மன ஆரோக்கியத்துக்கு அடிப்படை. குழந்தை பிறந்தவுடன் நோய்க் கிருமிகளும் அவர்களைத் தாக்க ஆரம்பித்து விடுகின்றன. அவற்றில் இருந்து குழந்தைகளைக் காப்பது எப்படி? நோய்த் தொற்றில் இருந்து குழந்தைகளைக் காக்க குடும்ப நல சுகாதாரப் பணியகம் பரிந்துரைத்துள்ள தடுப்பூசிகள் என்னென்ன?

அவற்றை எந்தெந்தக் கால கட்டங்களில் மருத்துவர்களின் ஆலோசனைகளோடு பயன்படுத்த வேண்டும்? நோய்த் தொற்றல் ஏற்படும் பாதிப்புகள், அவற்றைத் தடுக்க வேண்டியதன் அவசியம் குறித்து பெற்றோர்களுக்கு ஆலோசனை தேவை.

நோய்த் தடுப்பு என்பது, தினசரி நம்முடைய உடலில் நடந்து கொண்டிருக்கும் ஒரு செயல்பாடு. நோய்க் கிருமிகள் அல்லது உடலைச் சாராத ஏதேனும் பொருள் உடலுக்குள் நுழையும் போது அதை அழிக்கிற வேலையைப் பார்ப்பவை இயற்கையாகவே நம் உடலில் இருக்கும் நோய் எதிர்ப்பு செல்கள் தான். சில செல்கள் தன்னால் அழிக்கப்பட்ட கிருமியை நினைவில் வைத்துக் கொண்டு, மீண்டும் அது போன்று ஏதேனும் உடலுக்குள் நுழைந்தால் அவற்றின் தாக்குதலில் இருந்து என்று விழிப்புடன் நம்மைப் பாதுகாக்கிறது.

சில நோய்த் தாக்குதலைச் சமாளிக்க செயற்கையான நோய்த் தடுப்பு மருந்துகளும் உடலுக்குள் செலுத்தப்படுகின்றன. அவைதான் தடுப்பூசிகள்!  இப்படி உடலுக்குள் செலுத்தப்படும் நோய்த் தடுப்பானது நோய்க் கிருமி தொற்றில் இருந்து நம்மைக் காக்கிறது.

முதன் முதலில் பெரியம்மைக்குத் தான் தடுப்பூசி அறிமுகப்படுத்தப்பட்டது. அது முதல் தொடர்ந்து பல்வேறு நோய்களுக்கு தடுப்பூசிகள், தடுப்பு மருந்துகள் வந்து கொண்டே இருக்கின்றன.

தடுப்பூசிகள் போடுவதற்கான காரணங்கள்
தடுப்பூசி நம் குழந்தைகளின் ஆரோக்கியமான வாழ்வை உறுதி செய்கிறது! தவிர, நோய்த் தொற்றுக்கிருமிகளுக்கு எதிராகச் செயல்பட்டு வருங்கால தலை முறையைப் பாதுகாக்கிறது.

ஒரு காலத்தில் மிகப்பெரிய அச்சுறுத்தலாக இருந்த போலியோ, அம்மை போன்ற நோய்கள் தடுப்பூசிகளால் பெருமளவு ஒழிக்கப்பட்டன!

குழந்தைகளைத் தாக்கும் நோய்த் தொற்றில் இருந்து காப்பதோடு மட்டுமல்ல, குழந்தைகள் ஊனமாகி உயிர் இழப்பதில் இருந்தும் தடுப்பூசிகள் தான் தற்காக்கின்றன.

பிறந்தவுடன்… என்னென்ன தடுப்பூசிகள் போட வேண்டும்?

குழந்தைப் பிறந்ததும் காசநோய்க்கு பி.சி.ஜி யும் பின்னர் அடுத்து வரும் மாதங்கள் வருடங்கள் என தொடர்ச்சியாக போலியோவுக்கு ஓ.பி.வி., ஹெபடைடிஸ் பி வைரஸுக்கு எச்.பி.வி. போன்ற தடுப்பசிகள் அளிக்கப்படுகின்றன.

குழந்தை பிறந்ததும் மருத்துவமனைகளே குழந்தைகளுக்கு  தடுப்பு மருந்துகளை அளித்துவிடுவதால் கவலையில்லை.

அதன் பின்னர் வைத்தியசாலையில் வழங்கப்படும் சிறுவர் ஆரோக்கியம் மற்றம் விருத்தி பதிவேட்டிய உள்ள அறிவுறுத்தல்கள் படி குடும்ப நல தாதிகளின் உதவியோடு ஏனைய தடுப்பூசிகளையும் போட்டுக் கொள்வது கட்டாயமாகும்.

You must be logged in to post a comment Login