பேஷன்

விதவிதமான பலாஸோக்கள்

By  | 

பெல்ட் பலாஸோ:
இடுப்பிலிருந்து சிறிது சிறிதாக தளர்வாகத் தொடங்கி கால்களை நெருங்கும் பொழுது அதிகத் தளர்வாக இருக்கும் பலாஸோ பேன்ட்டுகளில் பெல்ட்டுகளானது அதுவும் அதே பேன்ட் துணியிலேயே விதவிதமான வடிவங்களில் வருவது பெல்ட் பலாஸோ என்று அழைக்கப்படுகின்றது.

போர்டர் பலாஸோ

இந்த பேன்ட்டுகளின் கீழ்ப்பகுதியில் போர்டர்கள் வைத்து வருபவை போர்டர் பலாஸோக்களாகும். இந்த போர்டர்கள் எம்பிரோய்டரி செய்யப்பட்டவையாகவோ, ப்ரிண்டுகள் செய்யப்பட்டவையாகவோ, ஜரி, குந்தன் வேலைப்பாட்டுடனோ அல்லது போர்டர்கள் தனியாக வாங்கி இதன் மேல் வைத்து தைக்கப் பட்டவையாகவோ, லேஸ்கள் வைத்து தைக்கப்பட்டவையாகவோ இருக்கும். போர்டர்கள் மெல்லியதாகவும் கிடைக்கும் அதேபோல் முழங்கால் வரை போர்டர்கள் இருப்பது போன்றும் கிடைக்கும்.

ஸ்கர்ட் பலாஸோ

அச்சு அசலாக பாவாடை போன்ற தோற்றத்துடன் இருக்கும் இவற்றை, லோங் ஸ்கர்ட் பலாஸோ என்றும் அழைக்கிறார்கள். இடுப்புப் பட்டையிலிருந்தே சுருக்குப் பட்டைகள் தொடங்குகின்றன. அதிக ஃப்ளேர்களுடன் வரும் இந்த ஸ்கர்ட் பலாஸோ ஷோர்ட் குர்த்தியுடன் அணியும் பொழுது மிகவும் அழகாக இருக்கின்றது. ஸ்கர்ட் பலாஸோக்களின் பக்கவாட்டில் குஞ்சலம் மற்றும் சலங்கைகள் தொங்குவது போல் வருவது மிகவும் கவர்ச்சியான தோற்றத்தைத் தருகின்றது.

பேன்ட் பலாஸோ

பேன்ட் அமைப்பில் இருக்கும் இவ்வகை பலாஸோக்களை ஷர்ட்டுகள் மற்றும் குட்டை டொப்புகளுடன் அணியலாம். பெரும்பாலும் ப்ளெயின் மற்றும் கோடுகள் இருப்பது போன்றே இவை வடிவமைக்கப்படுகின்றன. கோடுகளுடன் வரும் பேன்ட்டுக்கு ப்ளெயின் நிறத்தில் டொப் அணிவதும், ப்ளெயினாக வரும் பேன்ட்டுக்கு கோடுகள் போட்ட டொப்பை அணிவதும் இப்பொழுது பிரபலமாக உள்ளது.

ஃப்ளீடட் பலாஸோ

அதிக ஃப்ளீட்டுகளுடன் வரும் இவ்வகை பலாஸோக்கள் குர்த்திகள் மற்றும் டொப்புகளுடன் அணிய ஏற்றவை. டொப்புகளை டக்இன் செய்து இவ்வகை பலாஸோவுடன் அணியும் பொழுது அவை ஒரு நேர்த்தியான தோற்றத்தைத் தருபவையாக இருக்கும்.

சைட் ஸ்லிட் பலாஸோ

கணுக்காலிலிருந்து முழங்கால் வரை பக்கவாட்டில் ஸ்லிட்டுகளுடன் வரும் பலாஸோக்கள் இப்பொழுது கல்லூரி மாணவிகளிடையே மிகவும் பிரபலம். குட்டை டொப்புகளுடன் இவற்றை அணியும் பொழுது இது நிச்சயமாக மிகவும் அழகான தோற்றத்தைத் தருவதாகவே இருக்கும். பக்கவாட்டில் வரும் ஸ்லிட்டானது சிலவற்றில் குறைந்த அளவு உடையதாகவும் வருகின்றது.

You must be logged in to post a comment Login